Doqquz ayda Astarada süni mayalama yolu ilə 608 baş buzov alınıb
Astara, 31 oktyabr, Bağır Əliyev, AZƏRTAC
Heyvandarlıq Astara rayonunda kənd təsərrüfatının aparıcı sahələrindəndir. Son illər rayonda mal-qaranın cins tərkibinin süni mayalandırma yolu ilə daha məhsuldar heyvanlarla dəyişdirilməsi istiqamətində məqsədyönlü iş aparılır.
Astara Rayon Statistika İdarəsindən AZƏRTAC-ın bölgə müxbirinə verilən məlumata əsasən, bu ilin doqquz ayında rayonda 1464 baş inək və düyə süni yolla mayalanıb, 608 baş cinsi yaxşılaşdırılmış bala alınıb.
Qeyd edək ki, Astara rayonunda hazırda 5 süni mayalama məntəqəsi fəaliyyət göstərir. Doğulan hər buzova görə dövlət tərəfindən verilən subsidiya fermerlərin və fiziki şəxslərin inək və düyələrin süni mayalandırılmasına marağını artırıb.
Bölmənin digər xəbərləri
