DÖRD İLDƏ MİNGƏÇEVİRDƏ 5.933 YENİ İŞ YERİ AÇILMIŞDIR
AZƏRTAC xəbər verir ki, regionların sosial-iqtisadi inkişafı Dövlət Proqramında Mingəçevir şəhəri üzrə nəzərdə tutulmuş tədbirlər uğurla icra olunur. Mingəçevirdə vətəndaşların məşğulluğunun təmin edilməsi, işsizliyin aradan qaldırılması məqsədi ilə son illər səmərəli tədbirlər görülmüşdür.
Proqramın icrasına uyğun olaraq, şəhərdə yeni istehsal müəssisələrinin açılması, fəaliyyətdə olan zavod və fabriklərin genişləndirilməsi və yenidən qurulması, kiçik və orta sahibkarlığın inkişaf etdirilməsi, ticarət və xidmət obyektlərinin tikilib istifadəyə verilməsi və görülmüş digər tədbirlər nəticəsində 2004-cü il yanvarın 1-dən 2008-ci il yanvarın 1-dək 5.933 yeni iş yeri yaradılmışdır.
Yeni iş yerləri əsasən sənaye, energetika, ticarət, xidmət, təhsil, səhiyyə sahələrini əhatə edir.
Bölmənin digər xəbərləri
