Dördüncü muğam televiziya müsabiqəsi davam edir
Bakı, 30 oktyabr (AZƏRTAC). Xəbər verdiyimiz kimi, Heydər Əliyev Fondunun dəstəyi və Azərbaycan Mədəniyyət Fondunun layihəsi əsasında keçirilən IV muğam televiziya müsabiqəsi davam edir.
AZƏRTAC xəbər verir ki, müsabiqənin növbəti seçim turu Beynəlxalq Muğam Mərkəzində baş tutmuşdur.
Bir neçə həftədən sonra yekunlaşacaq müsabiqənin növbəti seçim turu da maraqlı çıxışlarla yadda qalmışdır.
Muğam televiziya müsabiqəsi gənc nəslin marağını artırmaqla yanaşı, istedadlı gənclərin üzə çıxarılmasında, tanınmasında müstəsna rol oynayır.
Müsabiqənin Azərbaycan Televiziyası və Radiosu, “Mədəniyyət” kanalı ilə canlı yayımlanması isə muğamsevərlər üçün əsl ərməğandır.
Bölmənin digər xəbərləri
