DORTMUND STADİONU QARŞISINDA AZARKEŞLƏRİN ÇADIR ŞƏHƏRCİYİ İNŞA OLUNMUŞDUR
AZƏRTAC-ın xüsusi müxbiri xəbər verir ki, Almaniyada keçiriləcək Dünya futbol çempionatı təşkilat komitəsinin federal hökumətlə razılaşmasına əsasən, Dortmund şəhərində futbol divanələri üçün çadır şəhərciyi tipli 4 min çarpayılıq mehmanxana kompleksi inşa olunmuşdur. Almaniyada 93 min tamaşaçı tutan ən böyük Dortmund stadionu yaxınlığındakı nəhəng meydanda tikilən kompleks “FAN – CAMP” (Azarkeşlərin çadır şəhərciyi) adlanır. Layihənin icraçıları əminliklə bildirirlər ki, çadır şəhərciyi futbol çempionatı zamanı qiyməti çox yüksək olan mehmanxanalarla rəqabətə girəcək ucuz məişət xidməti obyektidir və yer qıtlığı problemini qismən aradan qaldıracaqdır. Burada bir gün qalmaq müsafirlərə 35 avroya başa gələcəkdir.
Bölmənin digər xəbərləri
