Dövlət Neft Şirkətinin ekologiya idarəsində karyeranın idarə edilməsi sisteminin pilot layihəsi həyata keçirilmişdir
Bakı, 13 sentyabr (AZƏRTAC). Azərbaycan Respublikası Dövlət Neft Şirkətinin (ARDNŞ) idarə və müəssisələrində karyeranın idarə edilməsi sisteminin modullarının tətbiqinə başlanılmışdır. Sistemin karyera inkişaf modulunun tətbiqi ilə əlaqədar ekologiya idarəsində pilot layihə həyata keçirilmişdir.
AZƏRTAC xəbər verir ki, bununla bağlı idarədə layihənin yekunları və nəticələrinin elan olması ilə əlaqədar tədbir olmuşdur.
Tədbirdə insan resursları departamentinin uçot və işçilərlə əlaqələr şöbəsinin əməkdaşları karyeranın idarə edilməsi sisteminin pilot versiyasının tətbiqi, personalın nəticələr barədə məlumatlandırılması, hər bir işçinin bu layihədə əldə etdiyi nəticələr barədə təqdimatla çıxış etmişlər.
Departamentin əməkdaşları tərəfindən layihə ilə bağlı iştirakçıların sualları cavablandırılmışdır.
Tədbirdə ekologiya idarəsinin rəisi Azər Əliyev əməkdaşların karyera inkişaf sistemini daha dəqiq mənimsəmələri və gələcəkdə onun yaratdığı imkanlardan maksimum faydalanmaları ilə bağlı fikirlərini bildirmişdir.
Bölmənin digər xəbərləri
