Dövlət Neft Şirkətinin ekologiya idarəsinin əməkdaşları təlim kursunda iştirak etmişlər
Bakı, 9 sentyabr (AZƏRTAC). Azərbaycan Respublikası Dövlət Neft Şirkətinin (ARDNŞ) ekologiya idarəsinin əməkdaşları təlim, tədris və sertifikatlaşdırma idarəsində keçirilmiş dənizdə və quruda neft-qaz istehsalı sahələrində neft dağılmalarının qarşısının alınması və onların nəticələrinin aradan qaldırılması üçün işçilərin hazırlanması üzrə təlim kursunda iştirak etmişlər.
AZƏRTAC xəbər verir ki, kursun əsas məqsədi ARDNŞ-də qəzalar zamanı neft dağılmalarının idarə edilməsi, istehsal sahələrində neft dağılmalarının qarşısının alınması və onların nəticələrinin aradan qaldırılması üçün işçilərin hazırlanması olmuşdur.
Kurs nəzəri və praktiki hissələrdən ibarət olmuşdur.
Kursu bitirənlər tələb olunan test imtahanını keçdikdən sonra sertifikatlar ilə təltif edilmişlər.
Bölmənin digər xəbərləri
