DÖVLƏT PROQRAMINDA İDMANIN İNKİŞAFINI NƏZƏRDƏ TUTAN TƏDBİRLƏR İCRA OLUNUR
Bakı, 13 oktyabr (AZƏRTAC). Bakı şəhəri və ətraf qəsəbələrdə bədən tərbiyəsi və idmanın maddi-texniki bazasının inkişafının elmi əsaslar üzərində qurulması, beynəlxalq standartlara uyğunlaşdırılması, bu sahə ilə məşğul olanlara tibbi nəzarətin artırılması və xidmətin göstərilməsi qərara alınmışdır.
Bakı Şəhər Gənclər və İdman Baş İdarəsindən bildirmişlər ki, bu, “Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı”nda nəzərdə tutulan tədbirlərin həyata keçirilməsi ilə bağlıdır. Hazırda Bakı şəhəri və ətraf qəsəbələrdə idman-sağlamlıq obyektlərinin inşası, əhalinin sağlamlığının yaxşılaşdırılması, insanlarda yüksək mənəvi keyfiyyətlərin tərbiyə olunması, vətənin müdafiəsinə hazırlığın təmin edilməsi məqsədi ilə müəyyənləşdirilmiş konkret vəzifələr və tədbirlər icra olunur.
Bölmənin digər xəbərləri
