Dövlət Şəhərsalma və Arxitektura Komitəsinin sədri Göyçayda vətəndaşlarla görüşüb
Bakı, 31 yanvar, AZƏRTAC
Dövlət Şəhərsalma və Arxitektura Komitəsinin sədri Anar Quliyev növbəti vətəndaş qəbulunu Göyçay şəhərində keçirib.
Komitədən AZƏRTAC-a bildirilib ki, qəbuldan öncə Ümummilli Lider Heydər Əliyevin abidəsi ziyarət edilib, önünə gül dəstələri qoyularaq Ulu Öndərin xatirəsi hörmət və ehtiramla anılıb.
Görüş zamanı komitə sədri Göyçay, Kürdəmir, Ucar, Zərdab və Ağdaş rayon sakinlərinin əsasən dövlət və bələdiyyə mülkiyyətində olan torpaq sahələrinin tikinti üçün ayrılması, həmçinin tikintiyə icazə icraatı ilə bağlı suallarını cavablandırıb.
Vətəndaşlar tərəfindən qaldırılan bəzi məsələlər yerində həll edilib, əlavə araşdırma tələb edənlərlə bağlı isə müvafiq tapşırıqlar verilib.
Bölmənin digər xəbərləri
