DÖVLƏT SƏRHƏDLƏRİNİN MÜHAFİZƏSİ GÜCLƏNDİRİLİR
Avqustda axratışda olan 51 nəfər saxlanılaraq hüquq mühafizə orqanlarına təhvil verilmişdir. “Maqenum” tipli bir qaz tapançası, 9 millimetrlik 18 patron müəyyənləşdirilərək götürülmüşdür. Azərbaycan Respublikasının ərazi bütövlüyünü təhrif edən 115 kitab, 4 xəritə, 8 buklet və qondarma “erməni soyqırımı”nı təsvir edən 5 fotoillüstrasiyanın ölkəmizə gətirilməsinin qarşısı alınmışdır.
Narkotik vasitələrin qeyri-qanuni dövriyyəsinə qarşı mübarizə tədbirləri çərçivəsində sərhədyanı rayonların ərazilərində 2,4 hektar sahədən ümumi çəkisi 2 ton 200 kiloqram olan 18 min 586 yabanı çətənə kolu toplanılaraq yerli icra hakimiyyəti nümayəndələri və hüquq mühafizə orqanlarının iştirakı ilə məhv edilmişdir.
Azərbaycanın 34, Rusiyanın 6, İranın 2, Türkiyənin, Özbəkistanın, Gürcüstanın və Qazaxıstanın hərəsinin 1 vətəndaşı saxta və ya özgəsinə məxsus sənədlə sərhədlərimizi keçmək istərkən saxlanılmışdır. Müvafiq sənədləri olmadığına görə müxtəlif ölkələrin 60 vətəndaşı barəsində lazımi tədbirlər görülmüşdür.
Həmçinin, Türkiyənin 14, İranın 9, ABŞ-ın 9, Flippinin 6, Türkmənistanın 6, İtaliyanın 6, Fransanın 5, Malaziyanın 5, Koreya Respublikasının 4, İordaniyanın 4, Suriyanın 4, Rusiyanın 4, Almaniyanın 4, Norveçin 3, Sinqapurun 2, Finlandiyanın 2, İraqın 2, Əfqanıstanın 2, Çinin, Kanadanın, Mərakeşin, Banqladeşin, İsrailin, Fələstinin, Hindistanın, Liviyanın, Səudiyyə Ərəbistanın, Qırğızıstanın, Danimarkanın və Nigeriyanın hərəsinin bir vətəndaşı vizalarının olmamasına görə saxlanılmışdır. Müxtəlif ölkələrin 6 vətəndaşı şübhəli şəxs qismində saxlanılmış, 4 əcnəbi arzuolunmaz şəxs qismində ölkə ərazisindən deportasiya edilmişdir.
Ötən ay qaçaqmalçılığa qarşı mübarizə tədbirləri davam etdirilmiş və nəticədə 23.467 ABŞ dollarının, 86,1 Azərbaycan manatının, 22 min qutu müxtəlif siqaretin, 2.850 kiloqram ərik qurusunun, 600 kiloqram noxudun, 462 qutu yuyucu tozun, 602 litr dizel yanacağının, 200 litr benzinin, 750 ədəd araq qapağının, 500 ədəd müxtəlif spirtli içkinin, 53.592 ədəd şirniyyat məmulatının, 260 min yapışqanın, 4 “LC” kondinsionerinin, 186 “Evrostil” su kranının, 30 hamam avadanlığının, 1.479 eynəyin, 25 növ 4.936 müxtəlif paltarın, 1.550 kiloqramlıq 7 dəmir lövhənin və müxtəlif növ digər sənaye mallarının sərhəddən qeyri-qanuni keçirilməsinin qarşısı alınmışdır.
Dövlət sərhədlərimizin etibarlı mühafizəsinin təşkili istiqamətində tədbirlər davam etdirilir.
Bölmənin digər xəbərləri
