Dövlət uzunmüddətli istiqrazlarının yerləşdirilməsi üzrə hərrac keçirilib
Bakı, 24 noyabr, AZƏRTAC
Noyabrın 23-də Bakı Fond Birjasında (BFB) Maliyyə Nazirliyinin AZ0110004923 ISIN-li, 10 milyon manat həcmində, 2548 gün tədavül müddətli dövlət uzunmüddətli istiqrazlarının yerləşdirilməsi üzrə hərrac keçirilib.
BFB-dən AZƏRTAC-a bildirilib ki, hərrac zamanı 11 investor tərəfindən qiymət intervalı 85.152 AZN (10 faiz) və 100 AZN (7 faiz) olan 12 sifariş təqdim edilib. Maliyyə Nazirliyinin qərarına əsasən, istiqrazların kəsmə və orta ölçülmüş qiyməti 100 AZN (7 faiz) müəyyənləşdirilib. Sifarişlərin nominal qiymətlə ümumi məbləği 31 milyon 409 min 400 manat, yerləşdirilmiş həcmi isə 6 milyon 100 min manat təşkil edib. İstiqrazlar 2028-ci il noyabrın 14-də ödəniləcək. Hərrac zamanı dövlət istiqrazlarına tələb təklifi üstələyəcəyi və qiymət emitenti qane edəcəyi halda emitent tərəfindən təklif edilən istiqrazların həcmi 50 faizədək artırıla bilər.
Bölmənin digər xəbərləri
