DSMF-nin gəlirləri 2022-ci ilin 10 ayında proqnozla müqayisədə 3,2 faiz artıb
Baki, 18 noyabr, AZƏRTAC
Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondunun (DSMF) xərcləri 7,6 faiz və ya 308 milyon manat artaraq 4 milyard 363 milyon manat təşkil edib. Sosial sığorta daxilolmaları 10 ayda proqnoza nisbətən 144 milyon manat artaraq 3 milyard 688 milyon manat olub
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, DSMF-in gəlirləri 2022-ci ilin 10 ayında proqnozla müqayisədə 3,2 faiz və ya 146 milyon manat çox olmaqla 4 milyard 727 milyon manat təşkil edib.
Fondun gəlirləri tərkibində məcburi dövlət sosial sığorta daxilolmaları artmaqda davam edib. Bu daxilolmalar yanvar-oktyabr aylarında proqnoza nisbətən 4,1 faiz və ya 144 milyon manat artaraq 3 milyard 688 milyon manat olub.
Bu ilin yanvar-oktyabr aylarında DSMF-in xərcləri isə ötən ilin müvafiq dövrünə nisbətən 7,6 faiz və ya 308 milyon manat artaraq 4 milyard 363 milyon manata çatıb.
Bölmənin digər xəbərləri
