DÜNYA ÇEMPİONATININ ƏSAS STADİONLARINDAN BİRİNİN YARADICISI HƏBSXANAYA QAYTARILDI

10.08.2006 [23:38]
Çap et
A⁺ A^-

AZƏRTAC Röyterə istinadla xəbər verir ki, Almaniya məhkəməsi 2006-cı il dünya futbol çempionatının əsas stadionlarından birinin – Münxendəki “Alyants-Arena”nın tikintisinə görə cavabdeh olan şirkətin başçısı haqqında ittiham hökmünü təsdiqləmişdir. Dörd il yarım müddətinə azadlıqdan məhrum edilən Karl-Haynts Vildmozerin apelyasiyası rədd olunmuşdur.

Vildmozer podratçıların birindən – Avstriyanın “Alpine” firmasından 2,8 milyon avro (3,6 milyon dollar) aldığına görə mühakimə edilmişdir. Bu firmanın aldığı məxfi informasiya ona “Alyants-Arena” stadionu yaradıcılarının keçirdikləri müsabiqələrdən birində qalib gəlməyə imkan vermişdir.

Vildmozerin vəkilləri istintaq zamanı hüquq mühafizə orqanları tərəfindən bir sıra pozuntulara yol verildiyinə istinad edərək, hökmün yüngülləşdirilməsinə çalışmışlar. Buna baxmayaraq, hökm qüvvədə qalmışdır.

Xatırladaq ki, bu futbol stadionunun ümumi dəyəri 286 milyon avro (367 milyon dollar) təşkil etmişdir. “Alyants-Arena”da dünya birinciliyinin bir neçə mühüm görüşü, o cümlədən çempionatın ilk oyunu (Almaniya-Kosta-Rika) keçirilmişdir.

DÜNYA ÇEMPİONATININ ƏSAS STADİONLARINDAN BİRİNİN YARADICISI HƏBSXANAYA QAYTARILDI

MÜƏLLİFLƏ ƏLAQƏ

Bölmənin digər xəbərləri