DÜNYA KUBOKU UĞRUNDA 128 ŞAHMATÇI MÜBARİZƏ APARACAQDIR
Bakı, 12 oktyabr (AZƏRTAC). Noyabrın 20-dən dekabrın 15-dək Xantı-Mansiysk şəhərində şahmat üzrə III Dünya kuboku yarışları keçiriləcəkdir.
Yarışda Azərbaycan təmsilçiləri Teymur Rəcəbov, Vüqar Həşimov, Şəhriyar Məmmədyarov, Qadir Hüseynov və Rauf Məmmədovla yanaşı, hazırkı Dünya kubokunun sahibi Qata Kamski, keçmiş dünya çempionu Ruslan Ponomaryov, Vasili İvançuk, Aleksandr Morozeviç, Peter Svidler və başqaları yer almışlar.
Yeddi raunddan ibarət olacaq turnirdə dünya və Avropa çempionatlarında yaxşı nəticələr göstərmiş, yüksək reytinqə malik 128 şahmatçı iştirak edəcəkdir.
Şahmatçılar olimpiya sistemi üzrə yarışacaqlar. Rəqiblər bir-biri ilə iki görüş keçirəcək, heç-heçə qeydə alınacağı təqdirdə, qalib üçüncü - həlledici oyunda müəyyənləşəcəkdir. Turnirin final mərhələsində isə şahmatçılar arasında dörd görüş keçiriləcəkdir.
Bölmənin digər xəbərləri
