İDMAN
Dünyanın ən güclü tennisçiləri iyunda Londona toplaşacaqlar
Bakı, 8 may, AZƏRTAC
İspaniyalı tennisçi Rafael Nadal Londonda keçiriləcək turnirdə iştirak edəcək. Turnirə güclü tennisçilərin qatılacağı gözlənilir. Belə ki, 128 illik tarixə malik turnirdə Peşəkar Tennisçilər Assosiasiyasının (ATP) reytinq cədvəlində “Top-30”da qərarlaşan 17 idmançı iştirakını təsdiqləyib.
AZƏRTAC xəbər verir ki, Nadalla yanaşı, turnirdə reytinq cədvəlində ilk onluqda qərarlaşan Qriqor Dimitrov, Marin Çiliç, Xuan-Martin del Potro, Kevin Anderson və David Hoffen də birincilik uğrunda mübarizə aparacaq. Həmçinin əməliyyatdan sonra bərpa prosesi keçən Endi Marreyin də turnirdə iştirakı gözlənilir.
Turnirin son qalibi Felisiano Lopes də yayda Londonda gələcək. Turnir iyunun 18-dən 24-dək keçiriləcək.
Turnirin direktoru Stiven Ferrou bildirib ki, dünyanın ən güclü 6 altı tennisçisinin London turnirində iştirakını təsdiqləməsi bizi çox sevindirir. Yarışın indidən maraqlı keçəcəyini söyləmək olar. Turnirin başlanmasını səbirsizliklə gözləyirəm.