DÜŞMƏNİN MASKASI HAQQINDA İBRƏTAMİZ RƏVAYƏT
AZƏRTAC xəbər verir ki, Şota Rustaveli adına Gürcüstan Dövlət Dram Teatrı iyunun 5-də “ÜNS yaradıcılıq səhnəsi”ndə L.Porxadze və R.Sturuanın Belçika yazıçısı Ameli Notombun “Düşmənin kosmetikası” romanının motivləri əsasında “Düşmən maskası” birpərdəli tamaşasını təqdim edəcəkdir. Tamaşanın quruluşçu rejissoru R.Sturuadır. Musiqi tərtibatında Ennio Marikonenin “Bir dəfə Amerikada” filminə yazdığı musiqidən, habelə Verdi və Puççininin əsərlərindən istifadə olunmuşdur.
Tamaşada aktyorlar Beso Zanquri, Qagi Svanidze, Zaal Barataşvili, Gela Lejava, Mamuka Loriya çıxış edirlər.
Teatr tənqidçilərinin fikrincə, “Düşmən maskası” gözlənilməz və sərt sonluqla başa çatan valehedici ibrətamiz rəvayət, bizim çox vaxt göz yummağa çalışdığımız mövzuya əla variasiyadır.
Tamaşa sinxron tərcümə ilə gürcü dilində oynanılacaqdır.
Bölmənin digər xəbərləri
