ƏFQANISTANDA HƏLAK OLANLARIN XATİRƏSİNƏ HƏSR OLUNMUŞ GÜLƏŞ TURNİRİ KEÇİRİLMİŞDİR
Bakı Şəhər Gənclər və İdman Baş İdarəsindən ( BŞGİBİ ) AZƏRTAC-a bildirmişlər ki, Moskvada Əfqanıstanda həlak olanların xatirəsinə həsr olunmuş yunan-Roma və qadın güləşi üzrə 7-ci beynəlxalq turnir başa çatmışdır.
Yarışda BŞGİBİ tərəfindən ezam olunmuş “Spartak” idman cəmiyyətinin 3 idmançısı iştirak etmişlər.
Güləşçilərimizdən Elvin Abbaslı (69 kq) 4 erməni idmançısı üzərində qələbə qazanaraq 2-ci yerə layiq görülmüşdür.
Digər idmançılarımızdan Nicat Ağazadə (54 kq)-beşinci, Xaqan Aydayev (46 kq) isə səkkizinci yerləri tutmuşlar.
Bölmənin digər xəbərləri
