ƏFQANISTANDA HİND MÜTƏXƏSSİSLƏRİ OĞURLANMIŞDIR
AZƏRTAC-ın xarici informasiya agentliklərindən aldığı xəbərə görə, Əfqanıstanda üç hind mütəxəssisi oğurlanmışdır. Hindistan Xarici İşlər Nazirliyinin nümayəndəsi jurnalistlərə demişdir: ”Biz şənbə günü baş vermiş cinayət hadisəsinin təfərrüatını öyrənmək üçün Əfqanıstan hökuməti ilə sıx əlaqə saxlayırıq”.
Hindistan vətəndaşları Kabili ölkənin cənubundakı Qəndəhar şəhəri ilə birləşdirən avtomobil yolunda naməlum şəxslər tərəfindən oğurlanmışdır. Onların üçü də yol tikintisi ilə məşğul olan Hindistan–Əfqanıstan müştərək şirkətində işləyirdi.
Bölmənin digər xəbərləri
