ƏHALİNİN QIŞ MÖVSÜMÜNDƏ İSTİLİKLƏ TƏMİN OLUNMASI ÜÇÜN ZƏRURİ TƏDBİRLƏR HƏYATA KEÇİRİLİR
“Azəristiliktəchizatın” Açıq Səhmdar Cəmiyyətindən AZƏRTAC-a bildirmişlər ki, mövcud istilik təsərrüfatının yeni mövsümə hazırlanması, istiliyi olmayan obyektlərdə istilik mənbələrinin yaradılması və sosial obyektlərin istilik təchizatı istiqamətində zəruri tədbirlər həyata keçirilir.
Ümumiyyətlə, paytaxtda qış mövsümünə hazırlıqla bağlı 150 sosial obyektdə istilik təchizatı sahəsində mövcud çatışmazlıqlar aradan qaldırılmış, təmir işləri həyata keçirilmiş, yeni avadanlıq quraşdırılmışdır.
