“Ekol Mühəndislik Xidmətləri” QSC-də çirkab sularının təmizlənməsi işi uğurla davam etdirilir
Bakı, 24 sentyabr (AZƏRTAC). Azərbaycan Respublikası Dövlət Neft Şirkətinin (ARDNŞ) “Ekol Mühəndislik Xidmətləri” Qapalı Səhmdar Cəmiyyətində (QSC) çirkab suların təmizlənməsi işi uğurla davam etdirilir.
AZƏRTAC xəbər verir ki, QSC cari ilin ötən dövründə Heydər Əliyev adına Bakı neft emalı zavodundan mexaniki təmizləyici qurğulara daxil olan 7 milyon kubmetrdən çox sənaye çirkab sularını təmizləmiş və texnoloji proseslər nəticəsində formalaşan 19 min tona qədər neftşlam müasir texniki vasitələrlə emal edilərək zərərsizləşdirmişdir.
Cəmiyyət tərəfindən “Azərneftyağ” neft emalı zavodunda 8 milyon kubmetrdən çox sənaye çirkab suları təmizlənmiş, 7 min tona qədər neftşlam emal olunaraq zərərsizləşdirilmişdir.
Bundan başqa, “AAS-EKOL” Məhdud Məsuliyyətli Cəmiyyətindən daxil olan 100 tona qədər ərsin parafini sudan və mexaniki qarışıqlardan ayrılmış, digər təşkilatlardan daxil olan 42 min ton/kubmetrə qədər müxtəlif növ tullantılar texnoloji reqlamentə uyğun olaraq təmizlənmişdir.
Bölmənin digər xəbərləri
