Ekologiya İdarəsi tərəfindən “Ümid Yeri” uşaq evində ekoloji maarifləndirmə tədbiri keçirilmişdir
Bakı, 2 aprel (AZƏRTAC). Azərbaycan Respublikası Dövlət Neft Şirkətinin (ARDNŞ) Ekologiya İdarəsi, Azərbaycan Gənclər İttifaqı və “Ümid Yeri” Xeyriyyə Cəmiyyəti ilə birlikdə, “Yaşıl Gələcək Uğrunda: Birlikdə öyrənək və birlikdə fəaliyyət göstərək!” devizi altında Binə qəsəbəsində yerləşən “Ümid Yeri” uşaqların sığınacaq evinin ərazisinin yaşıllaşdırılması məqsədi ilə ekoloji maarifləndirmə tədbiri keçirmişlər.
AZƏRTAC xəbər verir ki, aksiyada “SPARE” layihəsinin Uşaq Akademiyasının 15 nəfər və “Ümid Yeri” uşaqların sığınacaq evinin 25 nəfər təmsilçisinin iştirakı ilə uşaq evinin ərazisində müxtəlif ağac və kol bitkiləri əkilmiş, müvafiq texniki vasitələrlə qulluq göstərilmişdir. Tədbirdə fərqlənənlərə müxtəlif hədiyyələr təqdim edilmişdir.
Proqramın əsas məqsədi gənclərin ətraf mühitin mühafizəsinə dair vərdişləri və enerjiyə qənaətin, təbii resurslardan səmərəli istifadənin zəruriliyini aşılamaq, onları əməli fəaliyyətə sövq etməkdir.
Bölmənin digər xəbərləri
