EKOLOJİ QANUNVERİCİLİYƏ DƏYİŞİKLİKLƏR VƏ ƏLAVƏLƏR HAZIRLANIR

11.11.2006 [01:09]
Çap et
A⁺ A^-

Ekologiya və Təbii Sərvətlər Nazirliyində ekoloji qanunvericiliyə dəyişikliklər və əlavələr hazırlanması üçün işçi qrupu yaradılmıışdır. Nazirliyin mətbuat xidmətindən AZƏRTAC-ın müxbirinə bildirmişlər ki, bu iş dövlət başçısının təsdiq etdiyi “Azərbaycan Respublikasında ekoloji vəziyyətin yaxşılaşdırılmasına dair 2006-2010-cu illər üçün Kompleks Tədbirlər Planı” çərçivəsində həyata keçirilir.

Milli Məclisə təqdim olunacaq dəyişikliklər və əlavələr ”Ətraf mühitin mühafizəsi haqqında”, “Yerin təki haqqında”, “Xüsusi mühafizə olunan təbiət əraziləri və obyektləri haqqında”, “Atmosfer havasının mühafizəsi haqqında” qanunlara, meşə və su məcəllələrinə aiddir. İnzibati cəzaları kəskinləşdirmək və ekoloji təhlükəsizliyin pozulmasına görə yeni cəza növlərinin tətbiqi nəzərdə tutulmuşdur. Bu məqsədlə İnzibati Xətalar Məcəlləsinə bir sıra dəyişiklik və düzəlişlərin edilməsi təklif olunacaqdır.

EKOLOJİ QANUNVERİCİLİYƏ DƏYİŞİKLİKLƏR VƏ ƏLAVƏLƏR HAZIRLANIR

MÜƏLLİFLƏ ƏLAQƏ

Bölmənin digər xəbərləri