Ekoloji, sosial və korporativ idarəetmə standartları üzrə alt-qrupun iclası keçiriləcək
Bakı, 15 oktyabr, AZƏRTAC
Biznes mühiti və Beynəlxalq reytinqlər üzrə Komissiyanın “Korporativ idarəetmə, investisiyalar, investorların maraqlarının qorunması, biznes etikası və korporativ sosial məsuliyyət” işçi qrupunun “Ekoloji, sosial və korporativ idarəetmə (ESG) standartları” üzrə alt-qrupunun oktyabrın 19-da iclasının keçirilməsi nəzərdə tutulur.
KOBİA-dan AZƏRTAC-a bildirilib ki, iclasda altqrupun qarşısında duran vəzifələr, ESG standartları üzrə Yol Xəritəsinin hazırlanması ilə bağlı görüləcək işlər, tematik qrupların yaradılması və qarşıdakı dövr üzrə fəaliyyət istiqamətlərinə dair müzakirələr aparılacaq. İclasda altqrupa üzv olan dövlət orqanlarının, eləcə də yerli və beynəlxalq özəl şirkət və təşkilatların məsul şəxsləri iştirak edəcək.
Bölmənin digər xəbərləri
