EL AĞSAQQALININ ULU ÖNDƏR HEYDƏR ƏLİYEVƏ SONSUZ MƏHƏBBƏTİ
Əhməd kişinin 70 illiyi münasibətilə keçirilən ümumrayon tədbirində 4 dəfə Lenin ordeni almış, təcrübəli pambıqçı, el ağsaqqalı ulu öndərin “Beyləqan rayonu zəhmətkeş rayondur, buradakı adamlar isə öz halal zəhməti ilə yaşayan əməksevər insanlardır” sözlərini böyük məhəbbətlə xatırlatmışdır. Prezident təqaüdçüsü demişdir ki, görkəmli siyasətçi Heydər Əliyevlə dəfələrlə görüşmək mənə də qismət olmuşdur. Qurultaylarda, mötəbər yığıncaqlarda dahi şəxsiyyətlə çox söhbətlərimiz olub. Zəhmət adamlarının qədir-qiymətini yaxşı bilən ulu öndər Lenin ordenini, Sosialist Əməyi Qəhrəmanının döş nişanını öz əlləri ilə sinəmə taxıb. Həmişə bu böyük insandan atalıq qayğısı görmüşəm. Onunla söhbətlərim ürəyimdə silinməz xatirələrə çevrilib. Ulu öndər doğma Azərbaycanımızı bütün dünyada tanıtmışdır. Ümummilli liderimizin həyatda qoyduğu xoş əməlləri, xeyirxahlığı, səmimiyyəti, prinsipiallığı, əyilməzliyi, mərdliyi, qayğıkeşliyi, ata məhəbbəti ürəyimdə əbədi yuva salıb. Evimdə bu böyük insanın xatirəsinə həsr olunmuş xüsusi guşə yaratmışam.
Əhməd Əhmədov Beyləqan şəhərində ulu öndərin adını daşıyan parka tez-tez gəlir, hər dəfə də görkəmli dövlət xadiminin abidəsi önünə gül-çiçək dəstələri düzür, əziz xatirəsini ehtiramla yad edir.
