“Elektroenergetika haqqında” Qanuna dəyişiklik Azərbaycanın beynəlxalq mövqeyini yaxşılaşdıracaq
Bakı, 30 dekabr, AZƏRTAC
Elektrik qurğularının istismarı ilə bağlı tələblər sadələşdirilir. Bu, “Elektroenergetika haqqında” Qanuna dəyişikliklərdə öz əksini tapıb.
AZƏRTAC xəbər verir ki, qanun layihəsi parlamentin dekabrın 30-da keçirilən iclasında müzakirəyə çıxarılıb.
Sənəd elektrik qurğularının istismarının sadələşdirilməsi, sahibkarlıq subyektlərinin işinin yüngülləşdirilməsi məqsədilə hazırlanıb. Qanun layihəsi tələb edilən, gücü 150-200 kVt arasında olan elektrik qurğularının istismarının sadələşdirilməsini (icazə tələbinin aradan qaldırılması) özündə ehtiva edir.
Bununla da tikinti obyektlərinin tələb edilən elektrik enerjisi gücü 200 kVt-dək olduqda tikinti obyektlərinin elektrik şəbəkəsinə qoşulma işləri başa çatdırıldıqdan sonra elektrik qurğularının istismarına icazə alınması tələb olunmayacaq. Bu sənəd, eyni zamanda, “Doing Business” reytinq cədvəlində Azərbaycanın mövqeyinin yaxşılaşdırılmasına xidmət edəcək.
Qanun layihəsi səsə qoyularaq bir dəfəyə qəbul edilib.
Bölmənin digər xəbərləri
