“ELEKTRON HÖKUMƏT” LAYİHƏSİ ÜZRƏ QANUNVERİCİLİK BAZASI YARADILMALIDIR
Rabitə və informasiya texnologiyaları naziri Əli Abbasov AZƏRTAC-a bildirmişdir ki, “elektron hökumət” bu gün bir çox inkişaf etmiş ölkələrdə artıq reallığa çevrilib. Ölkəmizdə dövlət səviyyəsində bu sahəyə dəstək vardır. Layihəni həyata keçirmək üçün əhalinin sayını, mədəni, sosial-iqtisadi fərqini, elektron hazırlığı və s. nəzərə almaq lazımdır. Yaxın zamanlarda e-hökumət layihəsinin əsas komponentlərindən biri olan “Azdatakom” şəbəkəsinin təcrübi istismara verilməsi nəzərdə tutulur. Beynəlxalq qurumlarla, tanınmış şirkətlərlə sıx əməkdaşlıq edilir. Bizi böyük və gərgin işlər gözləyir. İnformasiya proseslərini əhatə edən, hökumət qurumları çərçivəsində informasiyanın toplanması və operativ təqdim olunmasını təmin edən effektiv dövlət infrastrukturu yaradılmalıdır. Bütün bunlar qanunvericilik bazasında öz təsdiqini tapmalıdır.
Bölmənin digər xəbərləri
