Elektron hökumət yaxın günlərdə "Elektron CV” xidmətini təqdim edəcək
Bakı, 26 aprel, AZƏRTAC
"Elektron hökumət” portalı yaxın günlərdə "Elektron CV” xidmətini təqdim edəcək.
Rabitə və Yüksək Texnologiyalar Nazirliyinin Məlumat Hesablama Mərkəzindən AZƏRTAC-a bildirilib ki, bu CV-ləri hər kəs portalda aidiyyatı elektron xidmətə daxil olmaqla işləmək arzusunda olduğu istənilən müəssisəyə elektron şəkildə təqdim edə biləcək.
Bu CV-lər işə qəbul olmaq istəyənlərlə yanaşı işəgötürənin də işini xeyli asanlaşdıracaq. Bir necə dövlət qurumunun informasiya sistemindən istifadə edilərək yaradılacaq elektron CV-lər obyektiv, dəqiq, ətraflı olmaqla bərabər, işəgötürənin qiymətləndirmədə yanılma riskini də minimuma endirəcək.
Bölmənin digər xəbərləri
