ƏLİ BAYRAMLI GÖMRÜKÇÜLƏRİ YENİ BİNADA FƏALİYYƏT GÖSTƏRƏCƏKLƏR
Mərasim iştirakçıları əvvəlcə burada Heydər Əliyev muzeyi ilə tanış olmuş, əbədiyaşar Prezidentin həyat və fəaliyyətinin müxtəlif dövrlərini əks etdirən fotoşəkillərə baxmışlar.
Regionda fəaliyyət göstərən sahibkarların bir qrupu ilə görüşən Komitənin sədri, gömrük xidməti general-leytenantı Aydın Əliyev dinamik inkişaf edən Azərbaycan iqtisadiyyatının sistemli şəkildə formalaşmasında gömrük xidmətinin üzərinə düşən vəzifələrdən, ölkəmizin iqtisadi təhlükəsizliyi, büdcə gəlirlərinin təmin edilməsi istiqamətində görülən konkret tədbirlərdən danışmışdır. O, ölkənin iqtisadi tərəqqisində iş adamlarının rolunu vurğulamış, Prezident İlham Əliyevin məqsədyönlü siyasəti nəticəsində son illər regionların sosial-iqtisadi inkişafı istiqamətində kompleks tədbirlərin uğurla həyata keçirildiyini diqqətə çatdırmışdır.
