ƏLİ BAYRAMLIDA İŞSİZLİK PROBLEMİ HƏLL OLUNUR
Əmək və Əhalinin Sosial Müdafiəsi Nazirliyindən AZƏRTAC-a bildirmişlər ki, Layihəyə müvafiq olaraq Əli Bayramlı şəhərində çörək məmulatı hazırlayan “Bərəkətli”, döşəmə daşları istehsal edən “Qaya” və “Hacıqəhrəmanlı” kənd təsərrüfatı məhdud məsuliyyətli cəmiyyətləri yaradılmışdır.
Oktyabrın 2-də Əli Bayramlı şəhərində həmin müəssisələrin açılış mərasimi keçirilmişdir. Tədbirdə BMT-nin Azərbaycandakı rezident əlaqələndiricisinin müavini Devid Eyzenberq, əmək və əhalinin sosial müdafiəsi nazirinin müavini Tahir Budaqov, Əli Bayramlı şəhər İcra Hakimiyyətinin başçısı Sədaqət Qəhrəmanova və başqaları iştirak etmişlər.
28 nəfər işsiz vətəndaşın məşğulluğunu təmin edəcək bu cəmiyyətlərin inkişaf etdirilməsi və genişləndirilməsi sayəsində bu müəssisələrdə çalışanların sayının 55-ə çatdırılması nəzərdə tutulmuşdur.
Bölmənin digər xəbərləri
