Əlişir Nəvainin anadan olmasının 580-ci ildönümü münasibətilə videoçarx hazırlanıb
Bakı, 7 avqust, AZƏRTAC
Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin 2 nömrəli filialı Nizami Gəncəvinin davamçılarından olan məşhur özbək əsilli şair, filosof Əlişir Nəvainin anadan olmasının 580-ci ildönümü münasibətilə videoçarx hazırlayıb.
İdarədən AZƏRTAC-a bildirilib ki, videoçarxda şairin həyat və yaradıcılığı haqqında məlumat verilib. İlk olaraq, Nəvainin uşaqlıq və gənclik illəri, yaşam tərzi haqqında məlumat səsləndirilib.
Dahi mütəfəkkir Əlişir Nəvai biri-birindən gözəl, lirik-romantik, realist-tarixi, ədəbi-bədii, fəlsəfi-təsəvvüf və elmi-nəzəri əhəmiyyətə malik ölməz əsərlər müəllifidir ki, dünya klassikləri sırasında özünəməxsus yer tutub.
Videoçarx kitabxananın sosial hesablarında təqdim edilib.
Bölmənin digər xəbərləri
