ELM VƏ TƏHSİL
ELMİ SESSİYA GÖRKƏMLİ ALİMİN YUBİLEYİNƏ HƏSR OLUNMUŞDUR
Naxçıvan Dövlət Universiteti Azərbaycan Milli Elmlər Akademiyası ilə birlikdə görkəmli alim və ictimai xadim, Milli Məclisin deputatı Cəlal Əliyevin anadan olmasının 75 illiyinə həsr edilmiş elmi sessiya keçirmişdir. Universitetin rektoru, AMEA-nın həqiqi üzvü İsa Həbibəyli alimin aqrar elmin inkişafındakı misilsiz xidmətlərindən, səmərəli ictimai fəaliyyətindən danışmışdır. AMEA Naxçıvan bölməsinin sədri, akademik İsmayıl Hacıyev yubilyarın həyat və yaradıcılığı haqqında məruzə etmişdir. Alimin elmi axtarışlarından bəhs edən digər məruzələr də dinlənilmişdir. Sessiya iştirakçıları Universitedə akademik Cəlal Əliyevin əsərlərindən ibarət kitab sərgisi ilə tanış olmuşlar.