ƏRƏBİSTANLI QONAQLAR QƏBƏLƏ RAYONUNDA OLMUŞLAR
Rayonun Cümə məscidi və tarix-diyarşünaslıq muzeyi ilə tanış olduqdan sonra “Gilan Holdinq” şirkətinin konserv və fındıq emalı zavodlarına baş çəkən qonaqlar bu müəssisələrdə quraşdırılmış avadanlıqla, istehsal olunan məhsulların çeşidi və keyfiyyəti ilə maraqlanmışlar. Nümayəndə heyəti üçün Nohur gölü ətrafında qalın qar örtüyü üzərində gəzinti təşkil edilmişdir.
Sonra rayon mədəniyyət və turizm şöbəsinin təşkilatçılığı ilə Qəbələ mehmanxanasında qonaqlar “Çinar” instrumental ansamblının çıxışını dinləmişlər.
Nümayəndə heyətini rayon icra hakimiyyətinin başçısı Tofiq İbrahimov, Milli Məclisin deputatı Fəttah Heydərov, Azərbaycanın Səudiyyə Ərəbistanındakı səfiri Tofiq Abdullayev və bu ölkənin Azərbaycandakı səfiri Əli Həsən Əhməd Cəffər müşayiət etmişdir. Onlar dekabrın 15-də Şəkiyə səfər edəcəklər.
