ERMƏNİLƏR AZƏRBAYCANIN İŞĞAL OLUNMUŞ ƏRAZİLƏRİNDƏ EKOLOJİ TERROR HƏYATA KEÇİRİRLƏR
AZƏRTAC xəbər verir ki, Beynəlxalq Mətbuat Mərkəzində ermənilərin Azərbaycan torpaqlarında törətdikləri ekoloji terrora həsr olunmuş “dəyirmi masa” keçirilmişdir. Görüşdə Ekologiya və Təbii Sərvətlər Nazirliyinin mütəxəssisləri, qeyri-hökumət təşkilatlarının, Azərbaycanın erməni silahlı birləşmələri tərəfindən işğal olunmuş rayonlarının icra hakimiyyətlərinin nümayəndələri iştirak etmişlər. Tədbir iştirakçılarına ermənilərin Azərbaycan təbiəti ilə vəhşicəsinə rəftar etdikləri barədə məlumat verilmişdir. Bildirilmişdir ki, qədim və yoxa çıxmaqda olan ağac növləri kütləvi surətdə qırılır və ərazidən aparılır, tərkibində ətraf mühit üçün bir çox zərərli maddələr olan tullantılar çaylara atılır.
İşğal altında olan dövlət əhəmiyyətli meşələrin sahəsi 975,9 min hektardır. “Dəyirmi masa” iştirakçılarının yekdil fikrincə, bütün bu faktlar beynəlxalq ekologiya konvensiyalarının pozulmasına dəlalət edir və ermənilərin ətraf mühitə münasibətini dünya birliyinə göstərmək üçün təkzibolunmaz sübutlardır.
Bölmənin digər xəbərləri
