Ermənistan və Azərbaycan qoşunlarının təmas xəttindəki gərginlik İspaniya mətbuatının diqqətindədir
Madrid, 5 sentyabr, AZƏRTAC
İspaniyanın bir neçə xəbər portalı EFE Agentliyinə istinadla Ermənistan və Azərbaycan qoşunlarının təmas xəttindəki son hadisələr haqqında xəbərlər yayıblar.
Xəbərlərdə Azərbaycan Respublikasının Müdafiə Nazirliyinə istinadla bildirilir ki, cəbhə xəttində vəziyyət gərgin olaraq qalmaqdadır. Son həftə ərzində Ermənistan tərəfi atəşkəsi 834 dəfə pozub. Cavab atəşi açan Azərbaycan Ordusu tərəfindən 7 erməni hərbçisi öldürülüb, xeyli sayda yaralı var.
Baş verən son hadisələr haqqında xəbərlərin ardından Dağlıq Qarabağ münaqişəsinin tarixi xatırladılır və Ermənistanın Azərbaycan Respublikasının ərazisinin bir hissəsini işğal etməsi faktı qeyd olunur.
Aygün Əliyeva
AZƏRTAC-ın xüsusi müxbiri
Madrid
Bölmənin digər xəbərləri
