Ermənistanda koronavirusa yoluxanların sayı 43 min 67 nəfərə çatıb
Tbilisi, 26 avqust, AZƏRTAC
Ermənistanda COVID-19 virusuna yoluxma halları artmaqda davam edir. Son 24 saat ərzində ölkədə daha 131 nəfərdə koronavirus aşkar olunub. Bununla da Ermənistanda COVID-19-a yoluxanların sayı 43 min 67 nəfərə çatıb.
AZƏRTAC xəbər verir ki, bu barədə Ermənistan səhiyyə nazirliyinin xəstəliklərə nəzarət və onların profilaktikası milli mərkəzi məlumat yayıb.
Ermənistanda pandemiya qurbanlarının da sayı artaraq 861 nəfər olub və onların da 3-ü son sutka ərzində ölüb.
Ermənistanda daha 256 koronavirus xəstəsi başqa səbəblərdən dünyasını dəyişib.
Ermənistanda hazırda 5 min 216 aktiv koronavirus xəstəsi var.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
