Ermənistanda qaz sızması nəticəsində yaşayış binasında partlayış olub
Tbilisi, 26 avqust, AZƏRTAC
Avqustun 26-da səhər saatlarında Ermənistanın paytaxtı İrəvanda yaşayış binasında qaz sızması nəticəsində partlayış baş verib.
AZƏRTAC xəbər verir ki, bu barədə Ermənistanın Fövqəladə Hallar Nazirliyi məlumat yayıb.
Bildirilib ki, paytaxtın Kanaker-Zeytun rayonunda baş vermiş partlayış nəticəsində binanın 12 mənzili dağılıb. Dağıntılar altından 19 sakin çıxarılıb.
Xilasetmə işləri davam etdirilir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
