ERMƏNİSTANDA QİÇS-DƏN 92 ADAM ÖLMÜŞDÜR
Ümumiyyətlə, Ermənistanda bu epidemiyanın başlandığı 1988-ci ildən bəri 145 adam QİÇS-lə xəstələnmişdir. İÇV/QİÇS-ə ilk yoluxma hadisəsinin qeydə alındığı vaxtdan bu günədək 423 adam immun çatışmazlığı virusuna (İÇV) yoluxmuşdur. Cari ildə 54 nəfərin İÇV-yə yoluxduğu qeydə alınmışdır.
Lakin respublika İÇV/QİÇS profilaktikası mərkəzinin mütəxəssisləri bildirirlər ki, rəsmi statistika ölkədə bu sahədə həqiqi vəziyyəti əks etdirmir, çünki real olaraq, bu rəqəmlər rəsmi statistikada göstəriləndən 10 dəfə artıqdır. Mərkəzin öz əməkdaşlarının hesablamalarına görə, hazırda Ermənistanda 3 mindən çox adam immun çatışmazlığı virusuna yoluxmuşdur.
Burada soruşmaq yerinə düşərdi: bir neçə il əvvəl ermənilər bütün dünyaya car çəkdilər ki, onlar QİÇS-ə qarşı armenikum adlı təsirli dərman icad ediblər, bəs hanı o dərman?
Təbii ki, o da ermənilərin növbəti uydurması idi.
Bölmənin digər xəbərləri
