ERMƏNİSTANDA TƏHLÜKƏLİ NÜVƏ MƏRKƏZİ FƏALİYYƏTİNİ DAVAM ETİDİRİR

25.05.2002 [23:00]
Çap et
A⁺ A^-

Avropa ilə həmrəylik üzrə Əlaqə Komitəsinin Parisdə fransız dilində nəşr olunan “KOLİZE” bülleteninin bu ilin mart-aprel aylarında dərc olunmuş nömrəsində Ermənistanda fəaliyyət göstərin AES-in ətraf mühit üçün ciddi təhlükə yaratması ilə əlaqədar yazı dərc olunmuşdur.

Yazıda deyilir ki, insan həyatı və ekologiya üçün ciddi təhlükə yaradan Ermənistanın Atom Elektrik Stansiyası bu gün də fəaliyyətini davam etdirir. Avropa İttifaqının ciddi tələblərinə baxmayaraq, Ermənistan Yerevanın Cənub-Qərb istiqamətində yerləşən “Metsamor” nüvə mərkəzinin istismarını daha 14 il müddətində uzatmaq istəyir. 1970-ci ildə tikilmiş və 1988-ci ildə baş vermiş zəlzələdən sonra bağlanmış Atom Elektrik Stansiyası 1995-ci ildə yenidən fəaliyyətə başlamışdır.

Cənubi Qafqaz ölkələri üçün ciddi təhlükə yaradan bu nüvə mərkəzi bütün dünya ictimaiyyətini narahat etməyə bilməz.

Əsgər Əliyev

AZƏRTAC-ın xüsusi müxbiri

Paris