ƏSGƏR AKAYEVİN QAZAXISTANA SƏFƏRİ BAŞA ÇATMIŞDIR

26.12.2003 [23:23]
Çap et
A⁺ A^-

Qırğızıstan Prezidenti Əsgər Akayev Qazaxıstanda səfərdə olmuşdur. Onun Nursultan Nazarbayevlə görüşündə iki ölkə arasında siyasi, iqtisadi və mədəni əməkdaşlığın genişləndirilməsi, əmtəə mübadiləsinin artırılması və bir sıra digər məsələlər müzakirə olunmuşdur. Prezidentlər Qırğızıstanla Qazaxıstan arasında İttifaq münasibətlərinə dair müqavilə imzalamışlar. Müqavilə iki mühüm sahəni: ekstremizm və terrorizmlə birgə mübarizəni və hər iki ölkənin iqtisadiyyatının inteqrasiyasını əhatə edir.

Jurnalistlərin “Bu, Rusiya-Belarus ittifaqını təkrar etmirmi?” sualına Ə.Akayev belə cavab vermişdir: “Bu ideya var və biz İttifaqı başqa yolla qura bilərik”.

N.Nazarbayev isə demişdir: “Gələcəyimiz və xalqımız naminə daha sıx münasibətlər qurulur və elə bilirəm ki, biz irəliyə doğru ilk addım atmışıq”.

Astana Müqaviləsindən əlavə, beynəlxalq avtomobil xətti haqqında saziş, Qazaxıstan mallarının Qırğızıstanda, Qırğızıstan mallarının Qazaxıstanda satışı üçün əlverişli şərait yaradılması, Qazaxıstan və Qırğızıstan ərazisindəki qaz kəmərlərindən birgə istifadə, Qırğızıstan ərazisində Qazaxıstanın mülkiyyət hüququnun tanınması haqqında protokol imzalanmış, sərhəddəki buraxılış məntəqələri barədə razılıq əldə olunmuşdur.

ƏSGƏR AKAYEVİN QAZAXISTANA SƏFƏRİ BAŞA ÇATMIŞDIR

MÜƏLLİFLƏ ƏLAQƏ

Bölmənin digər xəbərləri