Estoniyada əhali bir ildə 392 min ədəd telefon alıb
Tallinn, 2 fevral, AZƏRTAC
Əhalisinin sayı 1,3 milyon olan Estoniyada 2018-ci ildə 392 min ədəd telefon alınıb.
AZƏRTAC xəbər verir ki, "BRC Market Experts" marketinq araşdırmaları şirkəti yeni məlumatları açıqlayıb. Məlumatda bildirilir ki, Estoniya əhalisi ötən 1 ildə mobil telefonların alınmasına 124 milyon avro xərcləyib. Orta hesabla bir telefona 315 avro sərf edilib. Bu rəqəm ötən illə müqayisədə 10 faiz artıqdır və tarixi rekorddur. Son iki ildə Estoniya əhalinin 5 yaşdan 75 yaşadək olan hissəsinin 70 faizi mobil telefona sahib olub.
Aygün Əliyeva
AZƏRTAC-ın xüsusi müxbiri
Tallinn
Bölmənin digər xəbərləri
