“Eurovision-2010”-un qalibi Azərbaycan təmsilçilərinin mahnısını bəyəndiyini demişdir
Bakı, 10 may (AZƏRTAC). “Azərbaycanın “Eurovision-2011” mahnısını bəyənirəm. Yaddaqalan mahnıdır. Yol gedərkən Azərbaycan mahnısı gələndə hamımız birgə “Running Scared”i oxuyuruq”.
Bu sözləri jurnalistlərə müsabiqənin son qalibi və bu il Almaniyanı 56-cı “Eurovision” yarışmasında “Taken by a Stranger” mahnısı ilə təmsil edəcək Lena Mayer demişdir. O bildirmişdir ki, bu il Azərbaycan təmsilçilərinin müsabiqədə yüksək nəticə göstərəcəyinə inanır.
Qeyd edək ki, Lena Mayer 2010-cu ildə Osloda keçirilmiş “Eurovision” yarışmasının qalibi olmuşdur. O, mayın 14-də keçiriləcək final konsertində birbaşa çıxış edəcəkdir.
Bölmənin digər xəbərləri
