EVEREST TƏXMİNƏN DÖRD METR “QISALDI”
Everest (Comolunqma) dağının hündürlüyü dəniz səviyyəsindən 8844,43 metrdir. AZƏRTAC Sinxua agentliyinə istinadla xəbər verir ki, Çin alimləri dünyanın ən uca zirvəsinə ekspedisiya zamanı apardıqları ölçmələr nəticəsində belə qənaətə gəlmişlər.
Beləliklə, zirvənin hündürlüyü sonuncu ölçmə vaxtından bəri 3,7 metr azalmışdır. 1975-ci ildə Everestin hündürlüyü dəniz səviyyəsindən 8848,13 metr idi.
Tədqiqatlara görə, Everestin “boyunun qısalması”nın başlıca “baiskarı” iqlimin qlobal miqyasda istiləşməsidir. Bu, qarların əriməsi prosesini gücləndirir və zirvələrdəki buzların sıxlaşması prosesinə təkan verir.
Bölmənin digər xəbərləri
