ƏVVƏLLƏR MƏHKUM OLUNMUŞ ŞƏXSDƏN İKİ KİLOQRAMA YAXIN MARİXUANA GÖTÜRÜLMÜŞDÜR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Bərdə Rayon Polis Şöbəsi əməkdaşlarının keçirdikləri əməliyyat nəticəsində rayon sakini, əvvəllər məhkum olunmuş Sabir Mirzəyevdən 1 kiloqram 550 qram marixuana götürülmüşdür.
Narkotiklərlə Mübarizə Baş İdarəsinin əməkdaşları əvvəllər məhkum olunmuş Rasim Əliyevdən 0,232 qram, Xətai Rayon Polis İdarəsinin 37-ci bölməsinin əməkdaşları əvvəllər məhkum olunmuşlar Səbuhi Mahmudovdan 0,229 qram, Elnur Nurullayevdən 0,267 qram, Xızı Rayon Polis Şöbəsinin işçiləri Giləzi qəsəbəsinin sakini Rövşən Əhmədovdan 1,641 qram heroin müsadirə etmişlər.
Faktlarla bağlı cinayət işi açılmışdır, araşdırma aparılır.
Narkotiklərlə Mübarizə Baş İdarəsinin qərb bölgəsində regional şöbəsinin və Göygöl Rayon Polis Şöbəsinin əməkdaşları tərəfindən rayonun kənarında yabanı halda bitmiş, çəkisi 2 ton 679 kiloqram olan 4327 ədəd çətənə kolu məhv edilmişdir.
Bölmənin digər xəbərləri
