Fəlsəfə və Sosiologiya İnstitutunun doktorantı beynəlxalq konfransda məruzə edib
Bakı, 1 noyabr, AZƏRTAC
AMEA Fəlsəfə və Sosiologiya İnstitutunun İdrak nəzəriyyəsi şöbəsinin doktorantı Turanə Əlibəyova Türkiyədə Qars müqaviləsinin 100 illiyinə həsr olunmuş “Avropa və Asiya: minillik qonşuluq” mövzusunda onlayn XIX beynəlxalq elmi simpoziumun plenar iclasında iştirak edib.
İnstitutdan AZƏRTAC-a bildirilib ki, “Qars müqaviləsi və “qonşuluq siyasəti”: İkinci Qarabağ savaşının geosiyasi nəticələri prizmasında epistemoloji yanaşma” mövzusunda məruzə ilə çıxış edən Turanə Əlibəyova Qars müqaviləsi və Şuşa Bəyannaməsinin mətnlərinin fəlsəfi-epistemoloji analizi üzərində dayanaraq, hər iki tarixi sənədin mətni ilə real geosiyasi mənzərə arasında əlaqənin təhlilini verib.
Bölmənin digər xəbərləri
