“Ferrari” Avstraliya Qran-Prisində ötənilki uniformasında çıxış edəcək
Bakı, 5 mart, AZƏRTAC
Formula 1 yarışmasının “Ferrari” komandasının rəhbərliyi “Mission Winnow” şirkətinin loqotipindən istifadədən imtina etmək qərarına gəlib.
AZƏRTAC “Motorsport”a istinadla xəbər verir ki, “Mission Winnow”nun loqotipi nə bolid üzərində, nə də komandanın pilotlarının və əməkdaşlarının uniforması üzərində istifadə olunmayacaq. Bununla bağlı komandada uniformanın ötənilki variantına qayıtmağı qərara alıblar.
Daha əvvəl xəbər verilmişdi ki, komandanın adından “Mission Winnow” söz birləşməsi çıxarılıb.
“Mission Winnow” “Philip Morris International” məşhur tütün korporasiyası ilə bağlı olan dünyanın böyük şirkətlərindən biridir. Məlumdur ki, Formula 1-də tütün məmulatlarının reklamından istifadə üzərindən qadağa götürülməyib, bu səbəbdən “Ferrari”nin bu ortaqlığı ciddi suallar doğurub. İtaliya komandasında qeyd edirlər ki, “Mission Winnow” şirkəti ilə partnyorluqda tütün reklamı nəzərdə tutulmur.
Bölmənin digər xəbərləri
