“Ferrari” azarkeşi: Ümid edirəm “Mercedes” Bakıda məğlub olacaq
Bakı, 26 aprel, AZƏRTAC
Bakıda Formula 1 yarışını izləmək unudulmaz hissdir. Qran-Pri əla təşkil olunub. Azərbaycan yüksək təşkilatçılıq qabiliyyətinə malik ölkədir.
Bu sözləri Formula 1 SOCAR Azərbaycan Qran-Prisini izləmək üçün Bakıya gələn Cənubi Afrika Respublikasından olan turist Neon Marabi AZƏRTAC-a müsahibəsində deyib.
Uzun illərdir Formula 1 yarışlarını izlədiyini deyən N.Marabi “Ferrari” komandasının azarkeşi olduğunu bildirib: “Bakıya valeh oldum. Cənubi Afrika Respublikasından buraya uzun yolu qət edib gəlməyə dəyər. Ümid edirəm ki, Bakı bir azarkeş kimi mənə uğurlu olacaq. “Mercedes” komandası uduzacaq, “Ferrari” isə podiumda yer alacaq”.
Bölmənin digər xəbərləri
