FİFA İRAN KOMANDASININ DÜNYA ÇEMPİONATINDAN KƏNARLAŞDIRILMASININ MÜMKÜNLÜYÜ MƏSƏLƏSİNƏ BAXMAQDAN İMTİNA ETMİŞDİR
FİFA nümayəndəsi vurğulamışdır ki, BMT TŞ-nin müvafiq qərarı olmadan İran yığmasının çempionatdan kənarlaşdırılması məsələsini federasiyanın rəhbərliyi hətta “hipotetik baxımdan” da müzakirə etməyəcəkdir.
Xatırladaq ki, ABŞ senatoru Con MakKeynin bu yaxınlarda Konqresin nümayəndələr palatasına təqdim etdiyi qətnamədə İran komandasının 2006-cı il dünya çempionatına buraxılmaması tələb olunur.
Çempionatda iranlılar ilk görüşünü Nürnberqdə meksikalılara qarşı keçirəcəklər. Gözlənildiyinə görə, İran Prezidenti Mahmud Əhmədinejad oyunun gedişini stadionda izləyəcəkdir. Almaniya XİN-in nümayəndəsi bu günlərdə bildirmişdir ki, çempionatın təşkilatçısı kimi onun ölkəsi öz milli komandalarının oyunlarına stadiondan baxmaq istəyən hər hansı dövlət başçısının Almaniya ərazisinə maneəsiz, vizasız gəlməsini təmin etmək öhdəliyi götürmüşdür. O demişdir: “Bu, İran Prezidentinə də aiddir”.
Bölmənin digər xəbərləri
