FRANSA POLİSLƏRİ DÜNYA ÇEMPİONUNU DÖYMÜŞLƏR
Hadisə Parisin şimalında, “Stad de Frans” stadionu yaxınlığında baş vermişdir. Barberin vəkili Emmanuel Dayın sözlərinə görə, 32 yaşlı idmançı anası və yaxın qohumu ilə maşında gedirmiş. Yol hərəkətini tənzimləyən polis əvvəlcə əlindəki dəyənəklə avtomobilə güclü zərbə endirmiş, Barber maşının şüşəsini endirən kimi ona sillə vurmuşdur. Sonra idmançını maşından zorla çıxarıb yerə yıxmış və döymüşlər. Daha sonra polis məntəqəsinə gətirərək döyə-döyə dindirmişlər. Barber ancaq səhərisi gün azadlığa buraxılmışdır. Polislər bildirmişlər ki, Barber müqavimət göstərmiş, iki asayiş keşikçisini dişləmişdir.
Syerra-Leonedə doğulan Y.Barber yarışlarda Fransanı təmsil edir, 1999-cu ildə yeddinövçülük, 2003-cü ildə isə uzunluğa tullanma üzrə dünya çempionu olmuşdur. Bundan əlavə, 2003 və 2005-ci illər (yeddinövçülük) dünya çempionatlarının gümüş mükafatçısıdır.
Bölmənin digər xəbərləri
