FRANSADA 250 QƏBİR VƏHŞİCƏSİNƏ DAĞIDILMIŞDIR
AZƏRTAC-ın xüsusi müxbiri xəbər verir ki, Fransanın Pirene-Oriantal departamentinin Eln şəhər qəbristanlığında 250 qəbir vəhşicəsinə dağıdılmışdır.
Eln bələdiyyə idarəsinin başçısı hadisənin gecə radələrində baş verdiyini açıqlamış, cinayətkarların qəbirləri dağıtdıqdan sonra qəbirlərin 80 faizinin üzərində şeytan işarəsi kimi qəbul olunmuş 666 rəqəmini yazdıqlarını, mərhumların ad və soyadlarının qara rənglə boyadıqlarını, bəzilərini isə qismən pozduqlarını, qəbirlərin üzərində xaç işarəsini qopardıqlarını bildirmişdir.
Ölkənin daxili işlər naziri xanım Mişel Allio-Mari baş vermiş hadisədən təəssüf hissi keçirdiyini, vandalizm hərəkətlərinə yol veməklə insanların hissiyatına toxunmuş cinayətkarların tezliklə tapılaraq öz layiqli cəzalarını alacaqlarını bildirmişdir.
Bölmənin digər xəbərləri
