FRANSADA 297 AVTOMAŞIN YANDIRILMIŞ, 121 NƏFƏR SAXLANILMIŞDIR
AZƏRTAC-ın xüsusi müxbiri xəbər verir ki, Fransada bayramları “atəşfəşanlıqla” qarşılamaq artıq “ənənəyə” çevrilmişdir. İyulun 13-dən 14-nə keçən gecə ölkədə 297 maşın yandırılmış və bu işdə şübhəli bilinən 121 nəfər saxlanılmışdır.
Maşınların 211-i məhz ölkənin İl-de Frans ərazisində yandırılmışdır. Saxlanılanların da 72 nəfəri bu bölgədən olmuşdur.
Ot-de-Sen və Anyer-sür-Sen departamentlərində ixtişaş törətməyə cəhd göstərənlər pinevmatik silahdan atəş açaraq polis komissarını yaralamışlar.
Val-d’Uaz departamentində isə sahəsi 8 min kvadratmetr olan gimnaziyaya od vurmuşlar. Yanğın gimnaziyanın yarısını yararsız hala salmışdır. Polis bu hadisənin cinayət məqsədilə törədildiyini bildirmişdir.
Bölmənin digər xəbərləri
