Fransada nazirlər bələdiyyə seçkilərinə namizədliklərini irəli sürə biləcəklər
Paris, 5 sentyabr, AZƏRTAC
Fransada nazirlər 2020-ci ildə keçiriləcək bələdiyyə seçkilərinə namizədliklərini irəli sürə və hökuməti tərk etmədən seçki kampaniyası apara biləcəklər.
AZƏRTAC xəbər verir ki, bu fikirləri Fransanın Baş Naziri Eduard Filip sentyabrın 4-də keçirdiyi mətbuat konfransında söyləyib.
Baş Nazir bildirib ki, nazirlər 2019-cu ilin sonunadək öz vəzifələrini icra etməli və 2020-ci ilin yanvarından etibarən mer seçilmək üçün bələdiyyə seçkilərinə namizəd olmalıdırlar.
Lakin hökumətin qəbul etdiyi qaydaya görə, nazirlər eyni zamanda bir neçə funksiyanı yerinə yetirə bilməzlər. Buna görə də 2020-ci ilin martında keçiriləcək seçkilərdə qalib gələcəkləri halda, nazirlər iki funksiyadan birini seçməli olacaqlar.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
